المساعد الشخصي الرقمي

مشاهدة النسخة كاملة : تعبت ,,,, اشكي

أميرة الورد
22-Aug-2006, 01:10 AM
تعبت أشكي تعبت أبكي
تعبت أحكي مآسي الروح ..

قتلني الوقت بصروفه
ذبحني وجفف أنهاري ..

أخبي علتي وأسكت
وأنا في داخلي مذبوح ..

أجامل وأرسم الضحكه
وأنا قلبي على ناري ..

أحاول والله يعلم بي
أداري دمعتي لاأبوح ..

أداري الجرح وأتجاهل
عن اللي ينشد أخباري ..

أقول بخير لكني جريح
وفي حشاي جروح ..

صداها لو دفنته يوم
يبين سنين بأنظاري ..

صرخت بحسرتي يكفي
صرخت بصوتي المبحوح ..

ألاياوقت وش ذنبي عشان
ألفيك بأعذاري ..

تبعثر حلمي قدامي
وغديت بدنيتي منزوع ..

وقفت ولاقدرت أجمع
ماغير مشتته أفكاري ..

أمني النفس وأخدعها وأقول
إن كربتي بتروح ..

وهي والله مولوده قدر
فأرحام أقداري ..

قتيل والبقا براسي في
دنيا مابها مصلوح ..

قتيل والقهر قاتل
من اللي ياخذ بثاري ..

أنا ببقى ضحية وقت
أعاني والعنا مجروح ..

دعيت اللي خلق يرحم
رجيته ربي الباري ..

أبي أسعد أنا بلحظه قبل
نزعة توافي الروح ..

قبل ماأرحل عن الدنيا
وأروح لآخر دياري ..

أنا بحمل صديد الجرح
في باقي وقتي المسموح ..

وإذا وافتني القدره ترى
هالبيت تذكاري ..

رثاني دمعي الطاهر في
صمته مارضى بالنوح ..

رثتني قسوة الدنيا
رثتني حتى أشعاري ..

وجزت اللي ذبح قلبي
وعشته بالخفا مشروح ..

لجل ماأضعف بعين اللي
نشدني كيفها أخباري ..


[COLOR="Red"]منقول
صوت القيود
22-Aug-2006, 04:43 AM
صـــــح لســان قايلهاا ،،

وسلمت أنامل كاتبهاا،،

اللـــــه يعطيك آلــــف عافيه أختي أميرة على النقل الرائـــــع،،

ولكن اسمحي لي بنقلهااا الى القسم المناسب.

تحياااتي..
بـحـر
22-Aug-2006, 04:41 PM
يعطيك العافيه أخت أميرة على النقل للقصائد والقصيدة الجميلة .
أميرة الورد
22-Aug-2006, 09:07 PM
الله يعافيكم شاكره لكم مروركم
يغار الحلا
27-Nov-2006, 06:16 AM
يسلمووووووو اميره على النقل الرائع ووننتظر جديدك تحياتي لك
مرتاح احبك
27-Nov-2006, 03:07 PM
الله يعطيك العافية اميرة على هالنقل الجميل ...


صراحة قصيدة رائعة و نقلك لها يدل على ان ذوقك اروع اميرة ..


يسلمو ياغالية ...
أميرة الورد
27-Nov-2006, 03:50 PM
يغار الحلا

مرتاح احبك


اشكركم على مروركم والله يسلمكم
حســـايف
02-Dec-2006, 11:34 PM
مشكورهـ ويعطيكـ العافيهـ

وما قصرتي
أميرة الورد
02-Dec-2006, 11:54 PM
حسايف هلا وغلا فيك نورت المنتدى

شاكره لك مرورك